23 верасьня ў Віцебску была створаная пляцформа для сумеснай дзейнасьці палітычных і грамадзкіх структур гораду. На сустрэчы з удзелам прадстаўнікоў аргкамітэту партыі "Беларуская хрысьціянская дэмакратыя", гарадзкой арганізацыі камуністаў "Справядлівы сьвет", НГА "Пэрспэктыва", "Вольны горад", "Гавары праўду" былі абмеркаваныя найбольш вострыя праблемы гораду.

Адна зь якіх – няякаснае мэдычнае абслугоўваньне віцяблян. Вынікам сустрэчы стала падпісаньне дамовы аб правядзеньні ў Віцебску супольнай кампаніі "За якасную мэдыцыну для ўсіх". У планах "круглыя сталы" з удзелам экспэртаў, збор подпісаў, сумесныя акцыі.

bchd.info