Актывісты кампаніі "За якасную мэдыцыну ў Віцебску" падалі заяўкі на пікеты ў гарадзкі выканкам і адміністрацыі раёнаў гораду. Мэтай пазначылі збор подпісаў пад калектыўным зваротам жыхароў гораду наконт праблем якасьці мэдычнага абслугоўваньня віцебчукоў.

Роўна празь месяц пасьля звароту на наўпроставую лінію актывісту Георгію Станкевічу прыйшоў адказ зь Бешанковіцкага райвыканкаму, паведамляе сайт beshankovichy.by. У лісьце паведамляецца, што Ранчыцкі мініпалігон зачынены, а вываз сьмецьця забаронены.

12 лістапада зь ініцыятывы сябра віцебскай гарадзкой арганізацыі КХП-БНФ Яна Дзяржаўцава ў лесе за вёскай Хайсы Віцебскага раёну на месцы меркаваных масавых расстрэлаў грамадзян органамі НКУС у другой палове 30-х гадоў былі ўсталяваныя памятныя крыжы, ускладзеныя кветкі і вянок, а таксама адпраўленая памінальная паніхіда ля парэшткаў бязьвінна забітых людзей.

Савет Міністраў Беларусі прыняў рашэньне да 31 сьнежня 2014 году бязвыплатна набыць у дзяржаўную ўласнасьць Бешанковіцкі і Гарадоцкі лясгасы, якія зьяўляюцца цяпер філіяламі ААТ «Віцебскдрэў». Лясгасы будуць перададзеныя дзяржаве як маёмасныя комплексы, балянсавы кошт на 1 траўня 2014 году Бешанковіцкага і Гарадоцкага лясгасаў складаў 19,144 і 19,19 мільярдаў рублёў адпаведна.

5 лістапада па ўсім сьвеце праходзілі акцыі салідарнасьці "Станем за журналістыку". Яны ладзяцца з ініцыятывы Міжнароднай Фэдэрацыі Журналістаў (МФЖ) і прысьвечаныя барацьбе журналістаў за іхныя правы, супраць палітычнага і эканамічнага ціску на СМІ, фізычнага гвалту супраць журналістаў і складаных умоваў працы. Незалежныя журналісты зь Віцебску далучыліся да сусьветнай кампанію ў падтрымку свабоднай журналістыкі.