27 сакавіка а 20-й гадзіне вызваляюцца з-пад арышту віцебскія актывісты Барыс Хамайда і Аляксандар Салаўян. Яны былі затрыманыя, імаверна, напярэдадні Дня волі ўвечары 24 сакавіка. Актывісты былі асуджаныя судом Чыгуначнага раёну Віцебску на трое сутак. Аднак дагэтуль невядомая прычына затрыманьня і паводле якога артыкулу былі ўзбуджаныя адміністрацыйныя справы.

Дзяжурны віцебскага ізалятару часовага ўтрыманьня паведаміў сябрам арыштаваных, што Хамайда і Салаўян былі затрыманыя за правапарушэньне (якое менавіта, не адказаў). Падрабязнасьці справы стануць вядомыя толькі пасьля вызваленьня актывістаў.

Праваабарончы цэнтар “Вясна”